呢個新product係我的腦海內已經有一段日子, 之前因為手指甩皮甩了幾個月冇得做針子野, 依家一好返, 馬上發功~!!
商場洗手抹手器~
暫時只有女裝版本, 反應熱烈的話, 將設計多個男裝版~~
先旨聲明, 呢個product係為奄尖的你而設的, 唔奄尖果d可以skip唔睇呢篇文。
因為唔想用商場洗手間的抹手紙, 但係如果用布手拍的話, 濕了的手往袋裡摷, 又會整濕d野, 有d野唔濕得水, 例如皮包濕了水就會有水漬同埋d野會好快舊好快霉, 所以好想條抹手布"掛"係個袋外面。
當然有人話cher~ 我都唔抹乾的, fing兩fing咪得law, 唔使咁姿整呀嘩~
你wu wear你可以繼續啊~
只是本人覺得等雙手自然乾, 在半乾不濕的情況下會好痴塵。出街梗係有塵架啦~! 咁又唔係咁講呀, 乾的手唔會咁痴呀嘛~ anyway, 都係果句, 呢個product 係 for THOSE who care~!
講返呢個設計先:
鬆開中間的布帶, 蝴蝶就會成為抹手布, 中間有杖根帶, 保持美觀。
中間的布帶, 由金屬小勾扣著。
金屬圈可當普通匙扣扣在手袋邊。解開鈕扣可以放棄金屬圈唔用。
掛在手袋上
有個朋友話驚唔易襯, 所以我又襯多個袋比你地睇。
都幾易襯呀 (賣花贊花香~!)
呢個蝴蝶係用佐米白色的全棉布做, 手感天然, 又可原隻放入機洗~! 棉布原色加紅色手針裝飾線, 係意大利大師Mui Mui 和 Marni最愛的顏色, 我借個色來用吓, 唔係好過份啫~!!
男裝版本的構思是: 一個圓形或方形的小包, 可把抹手布摺藏在內。小包上面有塗鴉或骷髏圖樣。
